Marunda Rawabelong tempat lahirannya
Boim anak bang Amje dan mpok Eha
Baek budi bahasa pinter sekolahnya
Ngajinya lempeng saban Senen Kemis puasa
Boim anak bang Amje dan mpok Eha
Baek budi bahasa pinter sekolahnya
Ngajinya lempeng saban Senen Kemis puasa
Boim jawara silat kaga ada lawan
Didemenin banyak anak perawan
Jangan disangka dia kaga punya dedemenan
Fatima perawan demplon bukan bikinan
Nyang naksir Fatima bujubuneng bejibun
Pemuda dari Cilincing ampe Tambun
Kalo dikata milih Fatima apa harta karun
Nyang milih harta karun matanya rabun
Robi Sugare ama Boim sodara sekumpi
Tapi kelakuannya beda langit ama bumi
Jahilnya nyebelin bikin dongkol ati
Gawenya teler ama maen judi
Entu malem Jumat udaranya dingin
Fatima pulang ngaji Robi Sugare ngintilin
Dasar bejad bokong Fatima digerepein
Fatima berek Robi tengkurep dijorokin
Fatima dongkol ngadu ama gacoan
Boim ambek Robi digeprak nyemplung comberan
Baunya naujubile ngalahin jamban
Idung petot gigi rompal muka belepotan
Ini cerita Boim anak Betawi
Disayang adek, mpok, enyak ampe nyai
Biar kata sekumpi ama Robi
Kelakuan romannya langit ama bumi
Bandung, 5 Agustus 2015
Catatan:
Rancak adalah kesenian bertutur rakyat Betawi, umumnya dibawakan dua orang yang berbalas pantun diiringi musik gambang kromong.
Tidak ada komentar:
Posting Komentar